Բելառուսի դեսպան. Ադրբեջանը մեզ համար պարզապես գործընկեր չէ

Ադրբեջանում Բելառուսի դեսպան Դմիտրի Պինևիչը ներկայացրել է՝ Մինսկի և Բաքվի միջև փոխադարձ առևտրի աճի հիմնական կետերը։
 
Ինչպես հաղորդում է ԲԵԼՏԱ-ն, այս մասին դիվանագետը երեքշաբթի հայտարարել է լրագրողներին։
 
«Մեզ համար Ադրբեջանը ոչ միայն պարզապես գործընկեր է, այլ ռազմավարական գործընկեր»,- նշել է նա։
 
Նրա խոսքով, երկկողմ համագործակցության ոլորտները լավ կառուցված են և ակտուալացվել են՝ Բելառուսի նախագահի՝ Ադրբեջան կատարած վերջին այցի ընթացքում։ Փոխգործակցության հիմքը կազմում են արդյունաբերությունն ու վերամշակումը
 
Որպես օրինակ Պինևիչը նշել է՝ երկու երկրների առողջապահական համակարգերում համագործակցության զարգացումը, փոխգործակցությունը դեղագործական և կենսաբանական արդյունաբերության, ՏՏ ոլորտում, ինչպես նաև կրթական ծրագրերի շրջանակներում։ Դա, նրա կարծիքով, խթան կհաղորդի միջմշակութային կապերի զարգացմանը։
 
«Եթե մենք ստեղծենք բառի լավ իմաստով նման «շրջապտույտ»՝ կապված շփման տարբեր կետերի հետ, ապա մենք կհասնենք ցանկալի արդյունքի՝ փոխադարձ ապրանքաշրջանառության ավելացման գործում»,- հավելել է նա։