Բելառուսը ուսումնասիրում է Ադրբեջանի փորձը՝ հատուկ նշանակության ուժերի պատրաստման ոլորտում

Ադրբեջանի և Բելառուսի պաշտպանության նախարարությունների կողմից ստորագրված երկկողմ համագործակցության պլանի շրջանակներում՝ տեղի է ունեցել երկու երկրների հատուկ նշանակության ուժերի զինծառայողների հանդիպում։
 
Այս մասին հաղորդում է Report-ը՝ հղում անելով Ադրբեջանի Պաշտպանության նախարարությանը։
 
Ադրբեջան կատարած այցի ընթացքում հյուրերը այցելել են հատուկ նշանակության ուժերի N-րդ զորամաս։
 
Այնուհետև ներկայացվել է Ադրբեջանի հատուկ նշանակության ուժերի վերաբերյալ ճեպազրույց, պատասխանել  են  հետաքրրություն ներկայացնող հարցերին:
 
Հանդիպման ընթացքում կողմերը մտքեր են փոխանակել՝ Ադրբեջանի և Բելառուսի հատուկ նշանակության ուժերի միջև համագործակցության հնարավոր հեռանկարների վերաբերյալ և քննարկել՝ երկկողմ կապերի զարգացման համար փոխադարձ հետաքրքրություն ներկայացնող առաջարկներ։
 
Վերջում, հյուրերը հետևել են՝ հատուկ  ջոկատայինների մարտական ​​պատրաստության ցուցադրական ելույթներին: