Բելգիայի դեսպան. Բաքու-Երևան համաձայնագիրը կամրապնդի տարածաշրջանային լոգիստիկան

Բաքվի և Երևանի միջև վերջին համաձայնագիրը կբարձրացնի տարածաշրջանային բեռնափոխադրումների կարևորությունը։
 
Ինչպես հաղորդում է AZERTAC-ը, այս մասին հայտարարել է Ադրբեջանում Բելգիայի դեսպան Ժյուլիեն դը Ֆրեպոնը՝ «Սև և Կասպից ծովի բեռնափոխադրումների ֆորում 2025»-ում՝ անդրադառնալով այս տարվա օգոստոսի 8-ի Վաշինգտոնյան համաձայնագրերին։
 
Նրա խոսքով՝ ԵՄ-ն աջակցում է տարածաշրջանում տրանսպորտային միջանցքների զարգացմանը, իսկ Բելգիան՝ որպես Եվրամիության անդամ, ակտիվորեն խթանում է այդ նախագծերը։ Դիվանագետը ընդգծել է, որ Բելգիան պատրաստ է կիսվել իր փորձով՝ «կանաչ» էներգիայի և լոգիստիկայի ոլորտում։
 
«Այս ռազմավարական գործընկերության շնորհիվ տարածաշրջանը կկարողանա զգալիորեն ամրապնդել իր լոգիստիկ հնարավորությունները», - հավելել է նա։