Բինալի Յըլդըրըմ. Ադրբեջանի հաղթանակը Ղարաբաղում խթան դարձավ ամբողջ թուրքական աշխարհի համար

Ադրբեջանի հաղթանակը Ղարաբաղում հզոր խթան հաղորդեց ամբողջ թուրքական աշխարհին։
 
Այս մասին Report-ին տված հարցազրույցում հայտարարել է Թուրքական պետությունների կազմակերպության (ԹՊԿ) իմաստունների խորհրդի նախագահ Բինալի Յըլդըրըմը՝ գնահատելով Ադրբեջանի դերը կազմակերպության գործունեության մեջ։
 
Նա նշել է, որ չնայած նրան, որ ԹՊԿ-ն որպես միջազգային կառույց ընդամենը 15 տարեկան է, ակտիվության առումով այն անցել է 50 տարվա հետ համեմատելի ճանապարհ։
 
«Թուրքիան և Ադրբեջանը հատուկ դեր և մեծ արժանիքներ ունեն կազմակերպության գործունեության մեջ։ Այս տարիների ընթացքում մեր միջև որևէ տարաձայնություն չի եղել՝ ԹՊԿ-ի շրջանակներում»։
 
Բ. Յըլդըրըմի խոսքով, երկու երկրների միջև սերտ փոխգործակցության պատճառներից մեկը՝ լեզվական արգելքի բացակայությունն է.
 
«Թուրքիային և Ադրբեջանին մերձեցում է ընդհանուր լեզուն։ Ավելին, երկու երկրներն էլ օգտագործում են լատինական այբուբենը։ Արդեն երկու տարի է, ինչ մենք ակտիվորեն աշխատում ենք մնացած թուրքական պետությունների համար միասնական այբուբեն ներդնելու ուղղությամբ՝ փոխըմբռնումը հեշտացնելու համար։ Մենք հույս ունենք, որ հաղորդակցության ուժեղացմանը զուգընթաց, մեր կապերն էլ ավելի կզարգանան։ Սա կնպաստի մշակութային կապերի խորացմանը և բարեկեցության ամրապնդմանը»։