ԵՄ դիտորդական առաքելությունն այցելել է սահմանի Գուբադլիի հատված ԼՈՒՍԱՆԿԱՐ

Հայաստանում Եվրամիության դիտորդական առաքելության ներկայացուցիչները շարունակում են դիտարկումները Ադրբեջանին սահմանակից տարածքներում։

Ինչպես հաղորդում է Caliber.Az-ը, փետրվարի 13-ին նրանք հսկողություն են իրականացրել Գուբադլիի շրջանի հետ սահմանային գոտում։ Եվրոպացի դիտորդները հեռադիտակով ուսումնասիրել են շրջակա տարածքները և Ադրբեջանի տարածքը։

Նրանց տեղաշարժերը վերահսկվել և գրանցվել են ադրբեջանցի սահմանապահների կողմից։

Հայաստանում Եվրամիության դիտորդական առաքելությունը պարբերաբար դիտարկում է անցկացնում Ադրբեջանի հետ սահմանի երկայնքով։ Այս մասին տեղեկություններ ու կադրեր են տարածվում ադրբեջանական մամուլում։

Caliber.Az-ը նույնպես տեղեկատվություն և կադրեր է տարածել Ադրբեջանի որոշ շրջաններին սահմանակից տարածքում եվրոպացի դիտորդների գործունեության մասին։

Նշենք, որ Հայաստանի և Ադրբեջանի սահմանին ԵՄ դիտորդական առաքելության՝ 200 հոգուց բաղկացած խմբի մանդատը երկարացվել է ևս երկու տարով՝ մինչև 2027 թվականի փետրվարի 19-ը։