Հասանով. Օգոստոսի 8-ին Վաշինգտոնում համատեղ հռչակագրի ստորագրումը նոր հնարավորություններ է բացել

Օգոստոսի 8-ին Վաշինգտոնում Ադրբեջանի և Հայաստանի ղեկավարների կողմից համատեղ հռչակագրի ստորագրումը և երկու երկրների միջև խաղաղության համաձայնագրի նախաստորագրումը՝ կարևոր  փուլ է ավելի քան 30 տարի  շարունբակվող հակամարտության խաղաղ կարգավորման գործում։
 
Report-ի փոխանցմամբ՝ այս մասին հայտարարարել է Ադրբեջանի պաշտպանության նախարար Զաքիր Հասանովը՝ Անկարայում իր թուրք գործընկեր Յաշար Գյուլերի և Վրաստանի պաշտպանության նախարար Իրակլի Չիկովանիի հետ համատեղ մամուլի ասուլիսում։
 
Նա նշել է, որ այս պատմական իրադարձությունը նոր հնարավորություններ է բացել Հարավային Կովկասում և ամբողջ աշխարհում համագործակցության համար. «Նոր ի հայտ եկող սպառնալիքները, ինչպիսիք են միջազգային ահաբեկչությունը, էներգետիկ և տրանսպորտային գծերի անվտանգությունը, կիբերհարձակումները և կլիմայի փոփոխությունը, երկրներից պահանջում են համագործակցել և մշակել արդյունավետ լուծումներ։ Մենք մտադիր ենք հետագայում զարգացնել և խորացնել համագործակցությունը երեք երկրների պաշտպանության նախարարությունների միջև»։
 
Նախարարը նաև ուշադրություն է հրավիրել՝ տարածաշրջանում խաղաղության, կայունության և անվտանգության համար համատեղ պայքարի նշանակությանը։
 
Զ. Հասանովը նաև նշել է, որ նման հանդիպումներն արդեն ավանդույթ են դարձել. «Երեք երկրների ղեկավարների միջև սերտ կապերն ու կանոնավոր շփումները արագացրել են հարաբերությունների հետագա զարգացումը»։
 
Նա նաև ընդգծել է, որ եռակողմ հանդիպման ժամանակ նշվել է՝ տարածաշրջանում խաղաղությանը, կայունությանը և անվտանգությանը սպառնացող սպառնալիքների դեմ համատեղ պայքարի կարևորությունը։