Հիդայաթ Ազիմովը Բրազիլիայում քննարկել է ռազմատեխնիկական համագործակցության հարցեր

Ադրբեջանի Պաշտպանական արդյունաբերության փոխնախարար Հիդայաթ Ազիմովի գլխավորած պատվիրակությունը՝ Ռիո դե Ժանեյրո քաղաքում (Բրազիլիա) մասնակցում է LAAD Defense&Security Expo-2025 ցուցահանդեսին։
 
Ինչպես Caliber.Az-ին հայտնել են Պաշտպանական արդյունաբերության նախարարությունից, ցուցահանդեսին, որին մասնակցում են 40 երկրների մոտ 300 պատվիրակներ, ցուցադրվում են՝ հրաձգային զենքեր, տարբեր տրամաչափի զինամթերք, հետախուզական և մարտավարական գործողությունների համար նախատեսված զրահապատ մեքենաներ, հրետանային համակարգեր, տորպեդներ, սուզանավեր, հակատանկային կառավարվող հրթիռներ, անօդաչու թռչող սարքեր և այլ տեսակի սպառազինություն։
 
Միջոցառման շրջանակներում Հիդայաթ Ազիմովը հանդիպել է՝ Թուրքիայի ազգային պաշտպանության փոխնախարար Շուայ Ալփայի, Թուրքիայի պաշտպանական արդյունաբերության կոմիտեի ղեկավարության, Baykar-ի, Nurol Makina-ի, ASPİLSAN Enerji-ի և ռուսական «Ռոսօբորոնէքսպորտ» ընկերությունների ղեկավարության հետ։ Հանդիպումների ժամանակ ընդգծվել է՝ պաշտպանական արդյունաբերության միջազգային ցուցահանդեսների կարևորությունը, քննարկվել են ռազմատեխնիկական համագործակցության զարգացման հեռանկարները, մտքերի փոխանակում է տեղի ունեցել՝ փոխադարձ հետաքրքրություն ներկայացնող այլ հարցերի շուրջ: