Հինգ տարի առաջ ազատագրվեց Զանգիլանի շրջանի Աղբենդ ավանը

Այսօր լրանում է՝ ադրբեջանա-իրանական պետական ​​սահմանի 132 կիլոմետրանոց հատվածի ազատագրման հինգերորդ տարելիցը, որը տարիներ շարունակ գտնվել էր Հայաստանի զինված ուժերի օկուպացման տակ։
 
Ինչպես հիշեցնում է Report-ը, Զանգիլանի շրջանի Աղբենդ ավանը օկուպացիայից ազատագրվել է 2020 թվականի հոկտեմբերի 22-ին։
 
Այդ օրը ադրբեջանա-իրանական պետական ​​սահմանը, որը շուրջ երեսուն տարի գտնվում էր օկուպացիայի տակ, ամբողջությամբ անցավ Ադրբեջանի Զինված ուժերի վերահսկողության տակ։
 
Աղբենդ ավանից բացի, նույն օրը ազատագրվեցին Զանգիլանի շրջանի Քյոլլուգըշլագ, Մալաթքեշին, Քյենդ Զանգիլան, Գենլիկ, Վելիգուլուբեյլի, Գարադարյա, Չոփադարյա, Թաթար, Թիրի, Ամիրխանլը, Գարգուլու, Բարթազ և Դալլաքլի գյուղերը, ինչպես նաև Ֆիզուլիի շրջանի Մոլլավելի, Յուխարը Ռաֆիդինլի և Աշաղը Ռաֆիդինլի գյուղերը, ինչպես նաև Ջաբրայիլի շրջանի Սիրիկ, Շըխլար, Մաստալիբեյլի և Դերզիլի գյուղերը։

Պետության ղեկավարի հանձնարարականի համաձայն՝ Պետական ​​սահմանապահ ծառայությունը  կարճ ժամանկում ստեղծել է  անհրաժեշտ բոլոր ենթակառուցվածքները՝ ազատագրված տարածքում ադրբեջանա-իրանական սահմանը պաշտպանելու համար։ Այստեղ վերականգնվել  է սահմանապահ ուղեկալը։
 
Նշենք, որ Աղբենդ ավանը պատկանում է Զանգիլանի շրջանի Վեժնելի գյուղական վարչատարածքային շրջանին և Հայաստանի զինված ուժերի կողմից օկուպացվել է 1993 թվականին։ Ավանը գտնվում է Արազ գետի ափին՝ Աղբենդ լեռան ստորոտում։