Հիքմեթ Հաջիևը՝ Ֆահրեթթին Ալթունի և Աքիֆ Չաղաթայի հետ քննարկել է Հարավային Կովկասի հարցը

Թուրքիա կատարած այցի շրջանակում Ադրբեջանի նախագահի օգնական Հիքմեթ Հաջիևը՝ Թուրքիայի նախագահի աշխատակազմի հաղորդակցության  վարչության ղեկավար Ֆահրեթթին Ալթունի և արտաքին քաղաքականության ու անվտանգության հարցերով նախագահի խորհրդական Աքիֆ Չաղաթայ Քըլըչի հետ քննարկել է՝ իրավիճակը Մերձավոր Արևելքում և Հարավային Կովկասում։
 
Ինչպես հայտնում է Caliber.Az-ը, այս մասին Հ.Հաջիևը գրել է սոցիալական ցանցի իր էջում:
 
«Եղբայրական Թուրքիա կատարած իմ այցի ընթացքում ես անկեղծ և բովանդակալից հանդիպումներ ունեցա  իմ եղբայրներ Ֆահրեթթին Ալթունի և Աքիֆ Չաղաթայի հետ։ Մենք քննարկել ենք իրավիճակը Մերձավոր Արևելքում և Հարավային Կովկասում, ինչպես նաև քննարկել ենք մեր երկկողմ դաշնակցային հարաբերությունները»,- նշել է նա։
 
Հիշեցնենք, որ Թուրքիա կատարած այցի ընթացքում Հիքմեթ Հաջիևը ելույթ է ունեցել՝ Ստամբուլում Ռազմավարական հաղորդակցությունների միջազգային ֆորումի (Stratcom Summit 24) շրջանակներում Ադրբեջանին նվիրված պանելում։