Իլհամ Ալիևը ստորագրել է Կասպից ադրբեջանական հատվածում հանքավայրերի մշակման մասին օրենքը

Ադրբեջանի նախագահ Իլհամ Ալիևը ստորագրել է՝ Կասպից ծովի ադրբեջանական հատվածում «Ազերի», «Չըրագ» հանքավայրերի և «Գյունաշլի» հանքավայրի խորջրյա հատվածի համատեղ մշակման մասին՝ 2017 թվականի սեպտեմբերի 14-ի համաձայնագրի երկրորդ հավելվածի ընդունման, հաստատման և իրականացման թույլտվության և մանաբաժնով բաժանման մասին օրենքը։
 
Ինչպես հայտնում է Caliber.Az-ը, այս մասին տեղեկություն է տեղադրված ԱՀ ղեկավարի պաշտոնական կայքում։ Փաստաթուղթը նախատեսում է նշված համաձայնագրի երկրորդ հավելվածի իրականացման թույլտվությունը, որը ստորագրվել է 2024 թվականի օգոստոսի 1-ին Բաքվում՝ Ադրբեջանի Պետական ​​նավթային ընկերության Azerbaijan (ACG) Limited, BP Exploration, Equinor Absheron AS, Exxon Azerbaijan, Inpex Southwest Caspian, Itochu Oil Exploration (Ադրբեջան), MOL Ադրբեջան, ONGC Videsh, Türkiye Petrolleri-ի կողմից:
 
Սույն օրենքն ուժի մեջ մտնելու օրվանից՝ պայմանավորվող կողմերին տրվում է պայմանագրի տարածքում նավթագազային գործողություններ իրականացնելու բացառիկ իրավունք՝ երկրորդ հավելվածի ողջ տևողության և դրա պայմաններին համապատասխան: Երկրորդ հավելվածից բխող պարտավորությունները կատարելու համար պայմանավորվող կողմերին տրամադրվում են բոլոր անհրաժեշտ լիցենզիաները, մաքսային թույլտվությունները, վիզաները և այլ լիազորություններ: