Ինչի՞ մասին են պայմանավորվել Հաջիևն ու Սանային Թեհրանում Կարևոր բանակցությունների մանրամասները

Ադրբեջանի նախագահի օգնական, նախագահի աշխատակազմի արտաքին քաղաքականության հարցերի բաժնի ղեկավար Հիքմեթ Հաջիևն այցելել է Իրան։
 
Ինչպես հաղորդում է APA գործակալությունը, տեղեկությունը տարածել է Իրանում Ադրբեջանի դեսպանատունը։
 
Հ.Հաջիևը հանդիպել է Իրանի նախագահի խորհրդական Մեհդի Սանայիի հետ և մտքեր փոխանակել՝ երկկողմ հարաբերությունների ու տարածաշրջանային համագործակցության հարցերի շուրջ:
 
Ինչպես հաղորդում են իրանական ԶԼՄ-ները, հանդիպման ընթացքում ընդգծվել է՝ Ադրբեջանի և Իրանի միջև երկկողմ հարաբերությունների ընդլայնման անհրաժեշտությունը։
 
Իրանի նախագահի քաղաքական խորհրդական Մեհդի Սանայիի հրավերով Թեհրան ժամանած Հիքմեթ Հաջիևը հաստատել է՝ Իրանի Իսլամական Հանրապետության հետ համակողմանի  հարաբերություններ զարգացնելու իր երկրի վճռականությունը։ Նա հայտարարել է. «Ադրբեջանի Հանրապետությունը շահագրգռված է բարիդրացիության հիման վրա՝ Իրանի Իսլամական Հանրապետության հետ քաղաքական, տնտեսական և մշակութային կապերի ընդլայնմամբ՝ առանց որևէ սահմանափակումների և ի շահ երկու կողմերի։ Երկկողմ հարաբերությունների առանցքային ասպեկտը հանդիսանում է՝  փոխադարձ վստահության ամրապնդումը և հնարավոր թյուրիմացությունների վերացումը»։
 
Ադրբեջանի նախագահի օգնականը մասնավորապես ընդգծել է, որ Ադրբեջանի կողմից Իրանին սպառնացող վտանգ չկա ու չի լինելու։
 
Իր հերթին, Սանային նշել է, որ Ադրբեջանը ոչ միայն կարևոր և արժեքավոր հարևան է Իրանի Իսլամական Հանրապետության համար, այլև երկիր, որի հետ Իրանը խորը պատմական, ընկերական և բարեկամական կապեր ունի։ Նա հավելել է.
 
«Երկկողմ հարաբերությունների ներկա մակարդակը չի համապատասխանում նրանց ներուժին և երկու կողմերի շահերին։  Մենք պետք է մեր փոխգործակցությունը դուրս բերենք զուտ դիվանագիտական ​​ձևաչափից և այն տարածենք նաև հանրային և մասնավոր ոլորտներում։ Մեր երկրների ժողովուրդների միջև շփումների խորացումը էական ազդեցություն կունենա համագործակցության ամրապնդման վրա։ Իրանի Իսլամական Հանրապետության ռազմավարությունը հարևան պետությունների, այդ թվում՝ Ադրբեջանի հետ հարաբերություններում ուղղված է՝ լարվածության ցանկացած դրսևորումներից զերծ ռազմավարական գործընկերության ձևավորմանը։