Իրանի նախագահը նշել է Ադրբեջանի հետ համագործակցության ընդլայնման համար ուղղությունները

Մի շարք ոլորտներում համագործակցությունը կարող է նպաստել՝ Ադրբեջանի և Իրանի միջև կապերի ամրապնդմանը։

Ինչպես հաղորդում է Report-ը, այս մասին հայտարարել է Իրանի Իսլամական Հանրապետության նախագահ Մասուդ Փեզեշքիանը AzTV-ին տված հարցազրույցում՝ խոսելով Ադրբեջան իր այցի մասին։
 
Պետության ղեկավարը նշել է, որ Իրանի և Ադրբեջանի միջև համագործակցության ոլորտները շատ լայն են.
 
«Ի՞նչ պետք է անեն երկու հարևան և եղբայրական ժողովուրդները միմյանց հետ հարաբերություններում։ Մեր ողջ առկա ներուժն ու կարողությունները կարող են օգտագործվել՝ տնտեսության, արդյունաբերության, գիտության և այլ ոլորտներում՝ փոխադարձ կապերի զարգացման համար»։
 
«Մենք չենք նախատեսում որևէ սահմանափակում երկու երկրների միջև համագործակցության ոլորտներում։ Իհարկե, քայլերից մեկը կարող է լինել խորհրդարանների միջև հարաբերությունների զարգացումը։ Կարելի է նաև քննարկել համալսարանների և  բուհերի դասախոսների միջև կապերի ամրապնդումը»։
«Բացի այդ, մենք կարող ենք համագործակցել առողջապահության, դեղորայքի, դեղագործության և բժշկական ապահովման ոլորտում։ Համատեղ քայլեր կարող են ձեռնարկվել արդյունաբերության, առևտրի և համատեղ նախագծերի շրջանակներում։ «շակույթի և սպորտի ոլորտում փոխգործակցությունը նույնպես կարող է նպաստել մեր հարաբերությունների զարգացմանը», - ընդգծել է Իրանի նախագահը։