Իսամ բեն Սալեհ Ալ-Ջութեյլի. Սաուդյան Արաբիան խորացնում է կապերը Ադրբեջանի հետ

Սաուդյան Արաբիան և Ադրբեջանը աշխատում են ամրապնդել առևտրատնտեսական համագործակցությունը՝ համատեղ կոմիտեի և գործարար խորհրդի միջոցով։
 
Report-ի փոխանցմամբ, այս մասին հայտարարել է՝ Ադրբեջանում Սաուդյան Արաբիայի դեսպան Իսամ բին Սալեհ Ալ-Ջութեյլին՝ Սաուդյան Արաբիայի ազգային օրվան նվիրված միջոցառման ժամանակ։
 
«Կայացել են բարձր մակարդակի փոխադարձ այցելություններ, և մենք ներկայումս աշխատում ենք առևտրատնտեսական փոխանակումները ավելացնելու ուղղությամբ՝ Սաուդյան Արաբիա-Ադրբեջան գործարար խորհրդի և համատեղ կոմիտեի միջոցով», - ընդգծել է նա։
 
Նրա խոսքով, երկու երկրներն ունեն բազմաթիվ ընդհանուր նախադրյալներ, որոնք հնարավորություն կտան մոտ ապագայում զգալիորեն ավելացնել առևտրի և ներդրումների ծավալը։
«Սաուդյան Արաբիայի և Ադրբեջանի միջև հարաբերությունները պատմական  բնույթ են կրում. դրանք հաստատվել են 1991 թվականին և ներկայումս ակտիվորեն զարգանում են բոլոր ոլորտներում», - ասել է նա։