Մակա Բոչորիշվիլին կայցելի Ադրբեջան

Վրաստանի արտգործնախարար Մակա Բոչորիշվիլին կայցելի Ադրբեջան:

Այս մասին հայտնում է Сaliber.Az-ը՝ հղում անելով երկրի ԱԳՆ-ին։

Այս մասին հայտնի է դարձել Վրաստանում Ադրբեջանի Հանրապետության դեսպան Ֆաիգ Գուլիևի հետ հանդիպման ժամանակ։

«Հանդիպման ընթացքում կողմերը քննարկել են երկկողմ օրակարգի ընթացիկ հարցեր։ Այս համատեքստում հատուկ ուշադրություն է դարձվել Վրաստանի արտաքին քաղաքական գերատեսչության ղեկավարի առաջիկա պաշտոնական այցին Ադրբեջան, ինչպես նաև երկու երկրների միջև տնտեսական համագործակցության միջպետական հանձնաժողովի 10-րդ նիստի անցկացմանը Բաքվում», - ասվում է Վրաստանի ԱԳՆ-ի հաղորդագրության մեջ:

Նախարարն ընդգծել է Վրաստանի և Ադրբեջանի միջև հարաբերությունների ռազմավարական բնույթը, որոնք ընդգրկում են ոլորտների լայն շրջանակ։

Ինչպես նշվել է, զրույցի ընթացքում բարձր են գնահատվել առևտրի, տնտեսական, տրանսպորտի և էներգետիկայի ոլորտներում հաջող համագործակցության արդյունքները։

Առանձին քննարկվել են տարածաշրջանի կայուն և խաղաղ զարգացման ապահովման հարցեր։ Կողմերը պատրաստակամություն են հայտնել առավել խորացնել ռազմավարական գործընկերությունը և էլ ավելի մեծ թափ հաղորդել դրան։