Մեդիա զարգացման գործակալությունը դիմել է միջազգային հանրությանը

Վերջերս մի շարք արտասահմանյան լրատվամիջոցներում և սոցիալական ցանցերում նկատվում է Ադրբեջանի դեմ նոր ապատեղեկատվական արշավ։
 
Ինչպես հաղորդում է Caliber.Az-ը, այս մասին ասվում է՝ Ադրբեջանի Հանրապետության Մեդիա զարգացման գործակալության հայտարարության մեջ։
 
«Տարածված նյութերում որոշ դեպքերում հիշատակվում են կեղծ հաղորդագրություններ այն մասին,  իբր Ադրբեջանը զենք է մատակարարում Ուկրաինային՝ երրորդ երկրի միջոցով, իսկ մյուսներում՝ իրականությունը չարտացոլող կեղծ պնդումներ, իբր Ադրբեջանի՝ Իսրայելի պատճառով «Եվրատեսիլ» երգի մրցույթից հրաժարվելու մասին։
 
Վերոնշյալ լրատվամիջոցների կողմից Ադրբեջանի դեմ ապատեղեկատվություն տարածող կեղծ լուրերի ազդեցության տակ՝ թուրքական ԶԼՄ-ներում և սոցիալական ցանցերում նման նյութերի տարածումը խորապես ցավալի է։
 
Մենք կոչ ենք անում միջազգային հանրությանը, զանգվածային լրատվամիջոցներին, լրագրողներին և հասարակական ակտիվիստներին չհավատալ նման ապատեղեկատվություններին և կեղծ հաղորդագրություններին, ինչպես նաև  սկզբունքայնություն ու  զգոնություն ցուցաբերել նման դեպքերի հետ կապված», - ասվում է հաղորդագրրության մեջ։