Միջազգային դատարանը կքննի Ադրբեջանի հայցն ընդդեմ Հայաստանի

Արդարադատության միջազգային դատարանը հաստատել է, որ կշարունակի էթնիկ զտումների և ռասայական խտրականության այլ ակտերի գործը, որոնք իրականացվել են՝ Հայաստանի կողմից Ադրբեջանի միջազգայնորեն ճանաչված տարածքների տասնամյակներ շարունակ օկուպացիայի ընթացքում։
 
Ինչպես հայտնում է Caliber.Az-ը, այս մասին X սոցիալական ցանցի իր էջում գրել է՝ Ադրբեջանի փոխարտգործնախարար Էլնուր Մամեդովը։
 
Նա նաև նշել է, որ չնայած Հայաստանի բողոքներին, Միջազգային դատարանը որոշել է ըստ էության քննել Ադրբեջանի հայցն ընդդեմ Հայաստանի՝ ադրբեջանական հողերի ականապատման վերաբերյալ:
 
«Միջազգային դատարանը կասեցրել է՝ Հայաստանի՝ իր իրավասությունից հանելու փորձը՝ ականապատման և պայթուցիկ սարքերի տեղադրման վերաբերյալ հայցը։ Կարևոր է արդարության հասնել՝ Հայաստանի կողմից տեղադրված ականների զոհերի համար, որոնց թիվն օրեցօր աճում է։ Ադրբեջանը վստահ է, որ դատարանում ներկայացված ապացույցները ցույց կտան, որ միջազգային իրավունքի ոչ մի խախտում տեղի չի ունեցել»,- ասվում է հրապարակման մեջ։