Պակիստանցի նախարարը՝ Բաքվի և Իսլամաբադի միջև համագործակցության նոր հնարավորությունների մասին

Պակիստանը մտադիր է հրավիրել Ադրբեջանին մասնակցելու 600 ՄՀց ռադիոհաճախականության սպեկտրի աճուրդին։

Այս մասին Report-ին ասել է Պակիստանի տեղեկատվական տեխնոլոգիաների նախարար Շազա Ֆաթիմա Հավաջան։

Նրա խոսքով՝ Պակիստանը նախատեսում է հաջորդ եռամսյակում աճուրդի հանել մոտավորապես 600 ՄՀց ռադիոհաճախականության ռեսուրս, որից հետո երկրում առկա ընդհանուր սպեկտրը կգերազանցի 900 ՄՀց-ը։

«Սպեկտրը ռադիոհաճախականության ռեսուրսի այն քանակն է, որը Պակիստանը մտադիր է աճուրդի հանել բջջային օպերատորների և այլ հեռահաղորդակցության ընկերությունների համար։ Սա նշանակում է ծառայությունների զգալիորեն ավելի բարձր որակ և ավելի լավ ծածկույթ ամբողջ երկրում։ Ինչո՞ւ է սա կարևոր Ադրբեջանի հետ մեր հարաբերությունների համար։ Նախ, աճուրդը բաց է, և յուրաքանչյուր ցանկացող կարող է մասնակցել։ Հետևաբար, մենք կցանկանայինք հրավիրել Ադրբեջանի հեռահաղորդակցության ոլորտին մասնակցել առաջիկա աճուրդին։ Մենք կարծում ենք, որ սա հիանալի հնարավորություն է, քանի որ 240 միլիոն բնակչություն ունեցող երկիրը արագորեն թվայնացվում է, և տվյալների օգտագործումը, անկասկած, կաճի», - ասել է Հավաջան։