Պակիստանի վարչապետն ընդունել է Ադրբեջանի պաշտպանական արդյունաբերության նախարարին

Պակիստանի վարչապետ Շահբազ Շարիֆն ընդունել է՝ պաշտպանական արդյունաբերության նախարար, Ադրբեջան-Պակիստան միջկառավարական համատեղ հանձնաժողովի համանախագահ Վուգար Մուստաֆաևի գլխավորած պատվիրակությանը, որը պաշտոնական այցով գտնվում է այս երկրում՝ մասնակցելու հանձնաժողովի VIII նիստին։
 
Ինչպես հայտնել են գերատեսչությունից, Շ.Շարիֆը ջերմորեն ողջունել է ադրբեջանական պատվիրակությանը և գոհունակություն հայտնել՝ երկու երկրների միջև հաջող գործընկերության և համագործակցության խորացման կապակցությամբ։
 
Շնորհակալություն հայտնելով հյուրընկալության և երկկողմ հարաբերությունների ընդլայնման համար ստեղծված պայմանների համար՝ Վ.Մուստաֆաևը փոխանցել է Ադրբեջանի նախագահ Իլհամ Ալիևի անկեղծ ողջույններն ու բարեմաղթանքները։
 
Նախարարը նշել է, որ երկու երկրների միջև պատմականորեն հաստատված բարեկամական և ռազմավարական գործընկերային հարաբերությունները, որոնք մշտապես զարգանում են Ադրբեջանի և Պակիստանի ղեկավարների նպատակային քաղաքականության և համատեղ ջանքերի արդյունքում, կարևոր ավանդ են ներդնում մեր ժողովուրդների բարեկեցության և առաջընթացի գործում։