Շտայնմայեր. Ուրախ եմ Բաքու վերադառնալու համար

Ադրբեջան այցը լավ հնարավորություն է հանդիսանում՝ քննարկելու ադրբեջանա-գերմանական երկկողմ հարաբերությունները և Հարավային Կովկասում խաղաղ գործընթացը։
 
Ինչպես հաղորդում է Report-ը, այս մասին հայտարարել է Գերմանիայի նախագահ Ֆրանկ-Վալտեր Շտայնմայերը՝ Ադրբեջանի նախագահ Իլհամ Ալիևի հետ պատվիրակությունների կազմով հանդիպմանը։
 
Շտայնմայերը հիշեցրել է, որ նրա վերջին այցն Ադրբեջան տեղի է ունեցել 9 տարի առաջ, երբ նա զբաղեցնում էր Գերմանիայի ԱԳՆ ղեկավարի պաշտոնը։
 
«Այդ ժամանակից ի վեր աշխարհաքաղաքական մեծ փոփոխություններ են տեղի ունեցել, կարծես մի հավերժություն է անցել, ես ուրախ եմ Բաքու վերադառնալու համար, սա լավ հնարավորություն է՝ մտքերի լայն փոխանակում կատարելու, մասնավորապես՝ երկկողմ հարաբերությունների զարգացման հարցերի և Հայաստանի հետ խաղաղ գործընթացի շուրջ», - ասել է  Գերմանիայի նախագահը: