Սլովենիայում քննարկվել է Բաքվի դերը Եվրոպայի էներգետիկ անվտանգության մեջ

Ադրբեջանի փոխարտգործնախարար Ֆարիզ Ռզաևի գլխավորած պատվիրակությունը՝ օգոստոսի 31-ից սեպտեմբերի 3-ը աշխատանքային այցով գտնվել է Սլովենիայում՝ մասնակցելու Բլեդ քաղաքում անցկացվող ռազմավարական ֆորումին։
 
Ինչպես Caliber.Az-ին հայտնել են արտաքին գործերի նախարարությունից, Ֆարիզ Ռզաևը, ով ելույթ է ունեցել համաշխարհային տնտեսության թեմային նվիրված պանելում, ներկաներին տեղեկացրել է՝ Ադրբեջանի կողմից իրականացվող խոշոր էներգետիկ նախագծերի, Եվրոպայի էներգետիկ անվտանգության մեջ մեր երկրի ներդրման մասին, պատմել է՝  միջազգային տրանսպորտային միջանցքների ստեղծման և շահագործման գործում Ադրբեջանի կարևոր դերի մասին։ Նա ընդգծել է, որ Ադրբեջանի այս գործունեությունը առանձնահատուկ նշանակություն ունի Հարավային Կովկասը անվտանգ, բարգավաճ և զարգացած տարածաշրջանի վերածելու տեսանկյունից։
 
Այցի ընթացքում Ֆարիզ Ռզաևը Սլովենիայի արտաքին գործերի նախարարությունում հանդիպել է՝ պետքարտուղար Մարկո Ստուչինի հետ, որի հետ քննարկել է Ադրբեջանի և Սլովենիայի միջև երկկողմ համագործակցությունը, ներառյալ քաղաքական երկխոսության  ինտենսիֆիկացումը և տնտեսական կապերի զարգացումը։ Նա զրուցակցին տեղեկացրել է հետհակամարտային շրջանում տարածաշրջանում տիրող իրավիճակի, Ադրբեջանի և Հայաստանի միջև հարաբերությունների կարգավորման գործընթացի և այս երկրի ոչ կառուցողական դիրքորոշման մասին։