СOP29-ը Բաքվում. տեղի է ունեցել բացման արարողությունը ՖՈՏՈ/ՎԻԴԵՈ/ԹԱՐՄԱՑՎԱԾ

Նոյեմբերի 11-ին Բաքվում տեղի է ունեցել Կլիմայի փոփոխության մասին ՄԱԿ-ի շրջանակային կոնվենցիայի Կողմերի 29-րդ նստաշրջանի (COP29) բացման արարողությունը։

AZERTAC-ի փոխանցմամբ՝ բացման արարողությանը ներածական խոսքով հանդես է եկել COP28-ի նախագահ Սուլթան բեն Ահմեդ Ալ Ջաբերը։ Նա շնորհակալություն է հայտնել Ադրբեջանին միջոցառման կազմակերպման և հյուրընկալության համար։ Սուլթան բեն Ահմեդ Ալ Ջաբերը խոսել է COP28-ի ընթացքում իր երկրի առաջ քաշած նախաձեռնությունների մասին և վստահություն հայտնել, որ COP29-ը հերթական հաջողության կհասնի։ COP28-ի նախագահը նշել է, որ «Եռյակի» շրջանակներում համագործակցությունը կիրականացվի Ադրբեջանի հետ համատեղ։

Այնուհետև Ադրբեջանի էկոլոգիայի և բնական պաշարների նախարար Մուխտար Բաբաևն ընտրվել է Կլիմայի փոփոխության մասին ՄԱԿ-ի շրջանակային կոնվենցիայի Կողմերի 29-րդ նստաշրջանի նախագահ։ COP28-ի նախագահ Սուլթան բեն Ահմեդ Ալ Ջաբերը նրան է փոխանցել նստաշրջանի կառավարումը։

Մ. Բաբաևը նշել է, որ ուրախ է բոլորին տեսնել Բաքվում։ Նա ասել է, որ COP29-ը հնարավորություն է բոլորի համար, և այս հնարավորությունը չպետք է բաց թողնել։

Այնուհետև ելույթ է ունեցել Կլիմայի փոփոխության շրջանակային կոնվենցիայի գործադիր քարտուղար Սայմոն Սթիլը, ով հայտարարել է, որ ՄԱԿ ԿՓՇԿ-ի հովանու ներքո բանակցային գործընթացը միակ հարթակն է, որտեղ մենք կարող ենք անդրադառնալ մոլեգնող կլիմայական ճգնաժամին և համոզիչ կերպով պատասխանատվության կանչել միմյանց՝ գործնական քայլեր ձեռնարկելու համար։ 

11:45

Այսօր Բաքվում մեկնարկել է Կլիմայի փոփոխության մասին ՄԱԿ-ի շրջանակային կոնվենցիայի (COP29) Կողմերի համաժողովի 29-րդ նստաշրջանը, որը համարվում է աշխարհի խոշորագույն և հեղինակավոր իրադարձություններից մեկը։ 

Բաքվի մարզադաշտում  անցկացվում է COP29 կլիմայական համաժողովի պաշտոնական բացման արարողությունը.