Տայանի. Իտալիան աջակցում է Ադրբեջանի և Հայաստանի միջև խաղաղությանը

Նույնիսկ շարունակվող պատերազմի ժամանակ ես նախաձեռնություն ցուցաբերեցի՝ Ադրբեջանի և Հայաստանի միջև խաղաղությունը վերականգնելու  վերաբերյալ և աշխատեցի այս ուղղությամբ։
 
Այս մասին հայտարարել է Իտալիայի արտաքին գործերի և միջազգային համագործակցության նախարար Անտոնիո Տայանին՝ Report-ի ամերիկյան բյուրոյին տված հարցազրույցում։
 
Նախարարը նշել է, որ Իտալիայի կառավարությունը աջակցում է Ադրբեջանի և Հայաստանի միջև ձեռք բերված խաղաղությանը:
 
«Մեր նպատակը խաղաղությունն է Ադրբեջանի և Հայաստանի միջև, Մերձավոր Արևելքում և Ուկրաինայում։ Մենք մեծ ջանքեր ենք գործադրում այս նպատակներին հասնելու համար։ Ես շատ ուրախ եմ, որ օգոստոսի 8-ին Վաշինգտոնում նախաստորագրվեց խաղաղության համաձայնագիր՝ Ադրբեջանի և Հայաստանի ղեկավարների մասնակցությամբ և ԱՄՆ նախագահի միջնորդությամբ։ Մենք աշխատում ենք այս համաձայնագրին աջակցելու ուղղությամբ։ Ապագայում ես ցանկանում եմ այցելել Ադրբեջան և տեսնել խաղաղություն տարածաշրջանում»։
 
Տայանին նաև պատմել է Ադրբեջանի և Իտալիայի միջև երկարամյա հաջող համագործակցության մասին.
 
«Մենք շատ լավ հարաբերություններ ունենք բոլոր երկրների հետ։ Մենք ուզում ենք ապրել խաղաղության մեջ։ Մեր ռազմավարությունն է՝ լավ հարաբերություններ կառուցել բոլորի հետ»։ Մենք հաջողակ և շատ դրական հարաբերություններ ունենք Ադրբեջանի հետ տարբեր ոլորտներում», - ընդգծել է նախարարը։