Թուրքիայում քննարկել են անվտանգության հարցերը Ադրբեջանի հետ հարաբերություններում

Հինգշաբթի՝ մարտի 6-ին, Կարսի Կովկասյան համալսարանում տեղի է  ունեցել՝ «Անվտանգության տեսակետը Թուրքիա-Ադրբեջան հարաբերություններում» թեմայով պանելային քննարկում։
 
AZERTAC-ի փոխանցմամբ՝ գիտնականների ու փորձագետների հետ մեկտեղ միջոցառմանը մասնակցել են՝ Կարսում Ադրբեջանի գլխավոր հյուպատոս Զամին Ալիևը և Կարսի քաղաքապետարանի ղեկավարությունը։
 
Քննարկումները բացող պրոֆեսոր Սելչուկ Ուրալը նշել է՝ եղբայրական երկրների առջև ծառացած մարտահրավերների և սպառնալիքների քննարկման կարևորությունը և կոչ է արել համախմբել ջանքերը՝ Անկարայի և Բաքվի ճանապարհին կանգնած խոչընդոտները վերացնելու համար։