Տոկաև. Ադրբեջանը մեր ռազմավարական գործընկերն է և դաշնակիցը

Ղազախստանի նախագահ Կասըմ-Ժոմարտ Տոկաևը նշանակալի է համարել՝ Ադրբեջանի արտգործնախարար Ջեյհուն Բայրամովի այցը Աստանա։
 
Ինչպես հաղորդում է Caliber.Az-ը՝ Akorda-ին հղումով, այս մասին Տոկաևը հայտարարել է՝ նախագահի աշխատակազմում Բայրամովի հետ բանակցությունների ժամանակ։
 
«Ձեր այցը մեծ նշանակություն ունի՝ եղբայրական Ադրբեջանի հետ մեր համագործակցության հետագա զարգացման տեսանկյունից։ Ադրբեջանի հետ հարաբերությունները մեծ նշանակություն ունեն մեզ համար: Մենք Ադրբեջանը համարում ենք հուսալի ռազմավարական գործընկեր և դաշնակից»,- ընդգծել է Տոկաևը։
 
Հանդիպման ընթացքում քննարկվել են՝ խոշոր ռազմավարական նախագծերի իրականացման հետ կապված հարցեր, այդ թվում՝ Կասպից ծովի հատակով կապի օպտիկամանրաթելային գծի և խորջրյա էլեկտրական մալուխի անցկացման հետ կապված հարցեր։