Վարդանյանի գործով դատավարության ժամանակ պատմել են՝ Լաչինում շտապօգնության մեքենայի գնդակոծության մասին

Հոկտեմբերի 7-ին շարունակվել է Ադրբեջանի քրեական օրենսգրքով նախատեսված՝ խաղաղության և մարդկության դեմ հանցագործությունների, պատերազմական հանցագործությունների, ահաբեկչության և ահաբեկչության ֆինանսավորման և այլնի մեջ մեղադրվող Հայաստանի քաղաքացի Ռուբեն Վարդանյանի քրեական գործով դատավարությունը։
 
AZERTAC-ի փոխանցմամբ՝ Բաքվի ռազմական դատարանում դատավոր Զեյնալ Աղաևի նախագահությամբ և դատավորներ Անար Ռզաևի ու Ջամալ Ռամազանովի (պահեստային դատավոր Գյունել Սամեդովա) կազմով անցկացված բաց նիստում մեղադրյալին տրամադրվել է իր տիրապետած լեզվով՝ ռուսերենով թարգմանիչ և իր ընտրած փաստաբանան։
 
Դատավարության ընթացքում լսվել են տուժածների և նրանց իրավահաջորդների ցուցմունքները։
 
Տուժածի իրավահաջորդ Շահրիյար Մամեդովը իր ցուցմունքում հայտարարել է, որ նրա եղբայրը սպանվել է Քելբեջարում՝ թշնամու գնդակոծության  արդյունքում։
 
Տուժող Մուզաֆֆար Ջաֆարովը պատմել է, որ վիրավորվել է Լաչինում՝ վիրավորներին շտապօգնության մեքենայով տարհանելիս։ Նա հավելել է, որ մեքենայի վրա եղել է շտապօգնության ցուցանակ, բայց, այնուամենայնիվ, հայերը կրակի են  ենթարկել այն։
 
Ռուսլան Մամեդլին հայտնել է, որ Աղդերեի ուղղությամբ  հակառակորդի կրակակոծության հետևանքով ստացել է բազմաթիվ վիրավորվածություններ և  մինչ այժմ առողջական խնդիրներ ունի։ Տուժածը հավելել է, որ միջադեպի ժամանակ ադրբեջանական կողմից եղել են նաև այլ վիրավորներ և զոհեր։
 
Ռավան Ռզաևը և Ջամալեդդին Նասիրովը հայտնել են, որ վիրավորվել են Խոջալուի շրջանի Շուշաքենդ գյուղում հակառակորդի գնդակոծության  արդյունքում։ Ռ. Ռզաևը հայտարարել է, որ այն ժամանակ զոհվել է նաև քանի մարդ, ևս մի քանիսը՝ վիրավորվել։
 
Դատարանում ցուցմունք են տվել նաև այլ տուժողներ, որից հետո ընթերցվել են դատաբժշկական փորձաքննության եզրակացությունները։
 
Հաջորդ դատական ​​նիստը նշանակված է հոկտեմբերի 14-ին։