ԶԼՄ-ներ. Իրանի Ազգային անվտանգության խորհրդի քարտուղարը պլանավորում է այց կատարել Ադրբեջան

Ադրբեջանի նախագահի օգնական, նախագահի աշխատակազմի արտաքին քաղաքականության բաժնի ղեկավար Հիքմաթ Հաջիևը՝ Իրանի Ազգային անվտանգության գերագույն խորհրդի քարտուղար Ալի Աքբար Ահմադիանի հետ քննարկել է երկկողմ օրակարգի արդիական հարցերը։
 
Ինչպես հաղորդում է Report-ը, հեռախոսազրույցի ընթացքում Հաջիևը ցավակցություն է հայտնել Իրանին՝ Իսրայելի հետ վերջին լարվածության ընթացքում մարդկանց զոհվելու  կապակցությամբ։
 
Կողմերը նաև ընդգծել են՝ երկկողմ հարաբերությունների հետագա զարգացման կարևորությունը և պետությունների ղեկավարների մակարդակով ձեռք բերված պայմանավորվածությունների իրականացման անհրաժեշտությունը։
 
ԶԼՄ-ների հաղորդագրությունների համաձայն՝ Ալի Աքբար Ահմադիանը պլանավորում է այցելել Ադրբեջան։ Բանակցությունների ընթացքում քննարկվել են նաև առաջիկա այցի նախապատրաստական աշխատանքները։