Պատարաձե. նախագահ Միխեիլ Կավելաշվիլիի առաջին արտասահմանյան այցը սկսվում է Ադրբեջանով

Ադրբեջանը Վրաստանի ռազմավարական գործընկերն է: Այն, որ Վրաստանի նախագահն իր առաջին արտասահմանյան այցը կատարում է հենց Ադրբեջան, մեծ նշանակություն ունի։

AZERTAC-ի փոխանցմամբ՝ այս մասին լրագրողներին ասել է Ադրբեջանում Վրաստանի դեսպան Զուրաբ Պատարաձեն։ «Նախագահ Միխեիլ Կավելաշվիլիի առաջին արտասահմանյան այցը սկսվում է Ադրբեջանից։ Ինչպես գիտեք, Ադրբեջանն ու Վրաստանը ռազմավարական գործընկերներ և բարեկամ երկրներ են։ Շատ կարևոր է, որ առաջին այցը կայանա Ադրբեջան։ Դրա շրջանակներում բարձր մակարդակի հանդիպումներ կկայանան Ադրբեջանի նախագահ Իլհամ Ալիևի, վարչապետի հետ։ Հանդիպումների ժամանակ ուղադրության կենտրոնում կլինեն երկկողմ համագործակցության և տարածաշրջանային անվտանգության հարցեր»։