Սպասվում է, որ Ալիևն ու Փաշինյանը կմասնակցեն Դավոսում կայանալիք ամենամյա տնտեսական համաժողովին

Հունվարի 20-ից 24-ը Դավոսում կանցկացվի ամենամյա տնտեսական ֆորումը, որին իրենց մասնակցության մասին հայտարարել են Ադրբեջանի և Հայաստանի ղեկավարներ Իլհամ Ալիևը և Նիկոլ Փաշինյանը։

Ինչպես հայտնում է Caliber.Az-ը, Ադրբեջանի և Հայաստանի ղեկավարների անունները նշված են ֆորումի կայքում հրապարակված մասնակիցների ցանկում։

Դավոսի ամենամյա տնտեսական ֆորումը միջազգային քաղաքական և գործարար վերնախավի ներկայացուցիչների հանդիպում է, որն անցկացվում է Համաշխարհային տնտեսական ֆորումի (ՀՏՖ) կողմից։

Ավանդաբար, միջոցառումը տեղի է ունենում հունվարի վերջին - փետրվարի սկզբին Դավոս լեռնադահուկային հանգստավայրում (Շվեյցարիա):

Ի հավելումն այս միջոցառման կազմակերպմանը, ՀՏՖ-ն իրականացնում է մի շարք միջազգային տնտեսական ծրագրեր՝ ուղղված գործազրկության դեմ պայքարին, զարգացող երկրներում ներդրումների ավելացմանը, ֆինանսական հատվածում նորարարություններին և այլն:

2025 թվականին ՀՏՖ տարեկան ժողովը կանցկացվի Շվեյցարիայի Դավոս քաղաքում հունվարի 20-ից 24-ը։ Ֆորումի թեման է «Համագործակցությունն արհեստական ինտելեկտի դարաշրջանում»։