Թուրքիայի դեսպան. Բաքվի և Երևանի միջև խաղաղությունը օգուտ կբերի ողջ աշխարհին

Ադրբեջանի և Հայաստանի միջև վերջնական խաղաղությունը օգուտ կբերի ոչ միայն տարածաշրջանին, այլև ողջ աշխարհին։

Ինչպես տեղեկացնում է Caliber.Az-ը, այս մասին հայտարարել է Ադրբեջանում Թուրքիայի դեսպան Բիրոլ Աքգյունը «Խազար» համալսարանում «Տեխնոլոգիաների աշխարհաքաղաքականություն» թեմայով ակադեմիական սեմինարի ժամանակ։

Աքգյունը հայտարարել է, որ Թուրքիան կարևոր դեր է խաղում Ադրբեջանի ազատագրված տարածքների վերականգնման և վերակառուցման գործում։

«Անկարան կշարունակի ամրապնդել բարեկամական և եղբայրական կապերը Բաքվի հետ։ Մեր համագործակցությունը ռազմավարական բնույթ է կրում»,- ասել է դիվանագետը։