Թուրքիայի դեսպանատուն. պայքարելու ենք ուժերի դեմ, որոնք փորձում են խաթարել թուրք-ադրբեջանական հարաբերությունները

Ադրբեջանում Թուրքիայի դեսպանատունը իր դիրքորոշումն է հայտնել վերջերս թուրքական լրատվամիջոցներում Ադրբեջանի մասին տարածվող «կեղծ լուրերի» վերաբերյալ։

Ըստ APA-ի, Թուրքիայի դեսպանատան մամուլի կցորդ Ալփթեքին Ջիհանգիր Իշբիլիրը Երիտասարդության օգնության հիմնադրամում կայացած հանդիպման ժամանակ հայտարարել է, որ իրենք աշխատում են Թուրք-ադրբեջանական մեդիա հարթակի զարգացման և գործընթացներին դրա ավելի ակտիվ մասնակցության ուղղությամբ։

«Մենք պայքարելու ենք թուրք-ադրբեջանական հարաբերությունները խաթարելու փորձեր կատարող ներքին և արտաքին ուժերի դեմ։ Անհրաժեշտ է բանակցություններ անցկացնել և դիմակայել այդ ուժերին։ Մենք պետք է ավելի ամուր լինենք միասին՝ չթողնելով որևէ բաց, որպեսզի ոչ ոք չկարողանա մեր միջև կանգնել։ Կան մարդիկ, ովքեր տարվում են ներքին և արտաքին ուժերի խաղերին, որոնք ձգտում են փչացնել Ադրբեջանի և Թուրքիայի միջև հարաբերությունները։ Բայց մենք պետք է ավելի սերտորեն միավորվենք դրա դեմ», - նշել է նա։