Յալչին Ռաֆիևը հանդիպել է Իրանի դեսպանի հետ

Ադրբեջանի փոխարտգործնախարար Յալչին Ռաֆիևը հանդիպել է Բաքվում Իրանի դեսպան Մուջթաբա Դեմիրչիլուի հետ։

Report-ի հաղորդմամբ, այս մասին հայտնել են Ադրբեջանում Իրանի դիվանագիտական առաքելությունում։

Տեղեկատվության համաձայն, հանդիպման ընթացքում քննարկվել են երկու երկրների միջև համագործակցության զարգացման հարցեր։

Կողմերը նաև խորհրդակցություններ են անցկացրել տարածաշրջանային և միջազգային ֆորումներում փոխգործակցության վերաբերյալ։

Նշվել է, որ երկու երկրների դիրքորոշումները համընկնում են միջազգային շատ հարցերի շուրջ։