ԱԳՆ. Ուզբեկստանն առաջիններից էր, ով օգնեց Ադրբեջանին Ղարաբաղի վերականգնման հարցում

Ադրբեջանի և Ուզբեկստանի միջև տարբեր ոլորտներում համագործակցության մասին 150 փաստաթուղթ է ստորագրվել։

Այս մասին Բաքվում՝ «Ուզբեկստան և Ադրբեջան. համագործակցության նոր հորիզոններ» կլոր սեղանի ժամանակ հայտարարել է Ադրբեջանի արտաքին գործերի նախարարության՝ Արևելյան Եվրոպայի, Հարավային Կովկասի, Արևմտյան և Կենտրոնական Ասիայի բաժնի պետի տեղակալ Զամին Ալիևը, հայտնում է Сaliber.Az-ը։ .

Նրա խոսքով՝ այժմ երկրները նույնպես ձգտում են ավելացնել ապրանքաշրջանառությունը։

«Պատերազմից հետո նոր իրողություններ են ստեղծվել, մենք բարձր ենք գնահատում Ուզբեկստանի դիրքորոշումն ու աջակցությունը՝ ազատագրված տարածքների վերականգնման գործընթացում»,- ասել է նա՝ հավելելով, որ Ուզբեկստանն առաջիններից մեկն է, ով օգնության ձեռք մեկնեց Ադրբեջանին՝ վերականգնելու ազատագրված տարածքները։ Այսպես, Ֆիզուլիում դպրոց է կառուցվել, որտեղ սովորելու է 940 երեխա։