Ադրբեջանական բանակում անցկացվում է ռազմականացված հնգամարտի առաջնություն ԼՈՒՍԱՆԿԱՐ/ՏԵՍԱՆՅՈՒԹ

Պաշտպանության նախարարի կողմից հաստատված 2023 ուսումնական տարվա պատրաստության պլանի համաձայն՝ ադրբեջանական բանակում անցկացվում է ռազմականացված հնգամարտի առաջնություն։

Ինչպես Caliber.Az-ին հայտնել են պաշտպանության նախարարությունում, Հեյդար Ալիևի անվան ռազմական ինստիտուտում տեղի ունեցած բացման արարողության ժամանակ նախ մեկ րոպե լռությամբ հարգել են ադրբեջանական ժողովրդի համազգային առաջնորդ Հեյդար Ալիևի և հանուն հայրենիքի տարածքային ամբողջականության իրենց կյանքը զոհաբերած հերոսների հիշատակը: Հնչել է ԱՀ պետական օրհներգը։

Արարողության բանախոսները հաջողություն են մաղթել մրցույթի մասնակիցներին և նշել, որ բանակի շարքերում անձնակազմի ֆիզիկական պատրաստվածությունը միշտ ուշադրության կենտրոնում է։

Զորատեսակները և զորամիավորումները ներկայացնող 56 զինծառայողներից բաղկացած 10 թիմեր կմրցեն անհատական և թիմային մրցումներում՝ կհաղթահարեն արգելքները, կխոցեն 200 մետր հեռավորության վրա գտնվող թիրախները և այլն:

Նշենք, որ առաջնությունը կտևի մինչև մայիսի 20-ը։