Ադրբեջանական համայնքը Հաագայում բողոքի ակցիա է անցկացրել ընդդեմ Հայաստանի սադրանքների

Նիդեռլանդներում գործող ադրբեջանական համայնքի ակտիվիստները խաղաղ ցույց են անցկացրել Հաագայի արդարադատության պալատի դիմաց:

Caliber.Az-ի փոխանցմամբ՝ Նիդեռլանդների և Բելգիայի ադրբեջանցիների համակարգող խորհրդի աջակցությամբ և «Անա Վեթեն» ադրբեջանական կանանց եվրոպական ասոցիացիայի կողմից կազմակերպված ցույցն անցկացվել է ընդդեմ Հայաստանի գործողությունների, մասնավորապես՝ Ադրբեջանի Ղարաբաղի շրջանում իրականացվող սադրանքների:

Ցույցի մասնակիցները պարզել են «Ադրբեջանը խաղաղություն է ուզում, Հայաստանը՝ պատերազմ», «Հայաստանը մերժում է խաղաղությունը և ընտրում է պատերազմը», «Հայաստան, ստորագրի'ր խաղաղության պայմանագիրը», «Հայաստանի ականները ռազմական հանցագործություն են», «Ո՛չ Ադրբեջանի բնական ռեսուրսների թալանին» կարգախոսներով պաստառներ։

Ցուցարարները միջազգային հանրությունից պահանջել են վերջ տալ Հայաստանի ռազմական և բնապահպանական տեռորին Ադրբեջանի Ղարաբաղի շրջանում, ապահովել Ղարաբաղում Ադրբեջանի քաղաքացիների անվտանգությունն ու իրավունքները և աջակցել ադրբեջանական պետության խաղաղ ջանքերին։