Ադրբեջանը ցավակցություն է հայտնել Չեխիային

Ադրբեջանի արտաքին գործերի նախարարությունը ցավակցություն է հայտնել Չեխիային։

Ինչպես հայտնում է Caliber.Az-ը, այս մասին ասվում է X սոցիալական ցանցում Ադրբեջանի ԱԳՆ էջում։

«Խորապես վշտացած ենք Պրահայի Կարլովի համալսարանում տեղի ունեցած զանգվածային հրաձգության հետևանքով մարդկանց զոհվելուց:

Խորին ցավակցությունն ենք հայտնում այդ ողբերգական հարձակման հետևանքով զոհվածների ընտանիքներին, իսկ վիրավորներին մաղթում ենք շուտափույթ ապաքինում»,- ասված է ԱԳՆ-ի հայտարարությունում։

Նշենք, որ Պրահայի Կարլովի համալսարանի փիլիսոփայության ֆակուլտետում տեղի ունեցած հրաձգության հետևանքով՝ առնվազն 15 մարդ է զոհվել, ևս 24-ը՝ վիրավորվել։