ՄԱԿ. Ադրբեջանի հետ նոր շրջանակային փաստաթուղթ կպատրաստվի՝ կառավարության հետ խորհրդատվությամբ

2026-2030 թվականների համար ՄԱԿ-ի և Ադրբեջանի միջև նոր շրջանակային փաստաթուղթը կպատրաստվի՝ կառավարության հետ լիարժեք համաձայնությամբ և խորհրդատվությամբ։
 
Ինչպես հայտնում է Caliber.Az-ը, այս մասին հայտարարել է՝ ՄԱԿ-ի Տարածաշրջանային զարգացման համակարգման գրասենյակի (DCO) կայուն զարգացման մասնագետ Ֆիորալբա Շկոդրան։
 
«Դա յուրաքանչյուր երկրում ՄԱԿ-ի զարգացման գործունեությունը պլանավորելու և իրականացնելու ամենակարևոր գործիքն է: Հաջող արդյունքներ են ձեռք բերվել ՄԱԿ-ի և Ադրբեջանի կառավարության միջև 2021-2025 թվականների Կայուն զարգացման համագործակցության շրջանակի իրականացման գործում: «Այսօրվա միջոցառման նպատակն է՝ բացահայտել հաջորդ 5-ամյա շրջանակային փաստաթղթի ուղղությունները», - ասել է Շկոդրան ուրբաթ օրը՝ «Բարձր մակարդակի ռազմավարական առաջնահերթություններ» խորագրով միջոցառման ժամանակ, որը նվիրված՝ ՄԱԿ-ի և Ադրբեջանի միջև Կայուն զարգացման համագործակցության շրջանակային փաստաթղթին (2026-2030 թթ.):