Ադրբեջանի գլխավոր դատախազը մասնակցել է Բիշքեկի հռչակագրի ստորագրմանը

Ղրղզստանի մայրաքաղաքում Թուրքական պետությունների կազմակերպությունների (ԹՊԿ) գլխավոր դատախազների խորհրդի 3-րդ նիստի արդյունքներով ընդունվել է Բիշքեկի հռչակագիրը։

Caliber.Az-ի փոխանցմամբ, հանդիպմանը մասնակցել են՝ Ադրբեջանի, Ղազախստանի, Ղրղզստանի, Ուզբեկստանի և Թուրքիայի գլխավոր դատախազները, ԹՊԿ-ի գլխավոր քարտուղարը և Դատախազների միջազգային ասոցիացիայի գլխավոր խորհրդականը։

Ղրղզստանի նախագահ Սադըր Ժապարովն իր հերթին տեսաուղերձ է հղել հանդիպման մասնակիցներին։

Միջոցառմանը իր ելույթում Ադրբեջանի գլխավոր դատախազ Քյամրան Ալիևը խոսել է՝ ԹՊԿ-ի անդամ երկրներում օրինականության և իրավակարգի ապահովման, մարդու իրավունքների և ազատությունների հուսալի պաշտպանության և հանցավորության ցանկացած դրսևորման դեմ պայքարի համար փոխադարձ համագործակցության անհրաժեշտության մասին։