Ադրբեջանի դեսպան. Լաչինի ճանապարհը բաց է ԿԽՄԿ-ի մարդասիրական գործողությունների համար

Լաչինի ճանապարհը բաց է Կարմիր խաչի միջազգային կոմիտեի (ԿԽՄԿ) մարդասիրական գործողությունների համար։

Ինչպես հայտնում է Caliber.Az-ը, այս մասին X սոցիալական ցանցում գրել է Նիդեռլանդներում Ադրբեջանի դեսպան Ռահման Մուստաֆաևը։

Ի պատասխան Նիդերլանդների արտաքին գործերի նախարար Վոպկե Հուկստրայի գրառմանը՝ ադրբեջանցի դիվանագետը նշել է, որ հենց հայկական կողմն է տապալել Լաչին-Խանքենդի և Աղդամ-Խանքենդի ճանապարհների զուգահեռ օգտագործման պայմանավորվածությունը՝ ձգտելով արհեստական լարվածություն ստեղծել՝ մանիպուլյացիայի ու ապատեղեկատվության իր քաղաքականությունը միջազգային մակարդակով շարունակելու համար։

Դեսպանն ընդգծել է, որ Հայաստանը չի կատարել եռակողմ հայտարարության 4-րդ և 9-րդ հոդվածների դրույթները, որոնք ենթադրում են Հայաստանի զինված ուժերի դուրսբերումը Ադրբեջանի Ղարաբաղի շրջանից և Հայաստանի կողմից՝ Ադրբեջանի արևմտյան շրջանների և նրա Նախչըվանի Ինքնավար Հանրապետության միջև տրանսպորտային հաղորդակցության անվտանգության ապահովումը՝ ընդգծելով, որ 1991 թվականից Նախչըվանը փաստացի շրջափակման մեջ է։

1/4. Lachin road is open for humanitarian actions of @icrc. 🇦🇲 rejected proposal on parallel delivery of cargoes to Khankendi through Lachin & Aghdam routes. Why? 🇦🇲 doesn’t seek ☮️, is willing to ignite tension with a view to continuing manipulation & misleading at inter/level https://t.co/cFAqO2k6Iz

— Rahman Mustafayev (@rahman2609m) August 17, 2023