Ադրբեջանի ԶՈՒ գլխավոր շտաբի պետը հանդիպել է Եվրոպայում ՆԱՏՕ-ի դաշնակից ուժերի Գլխավոր շտաբի պետի տեղակալի հետ ԼՈՒՍԱՆԿԱՐ

Նոյեմբերի 21-ին Ադրբեջանի պաշտպանության նախարարի առաջին տեղակալ, ԶՈՒ Գլխավոր շտաբի պետ, գեներալ-գնդապետ Քերիմ Վելիևը հանդիպել է Եվրոպայում ՆԱՏՕ-ի դաշնակից ուժերի գլխավոր շտաբի պետի տեղակալ, կոնտր-ծովակալ Գունշտեյն Բրյուսդալի հետ, ով Ադրբեջանում է գտնվում ՆԱՏՕ-ի օրերի շրջանակներում:

Այս մասին հայտնում է Caliber.Az-ը՝ վկայակոչելով պաշտպանության նախարարությանը:

Գեներալ-գնդապետ Քերիմ Վելիևը նշել է Ադրբեջանի և ՆԱՏՕ-ի միջև հարաբերությունների զարգացումը, ինչպես նաև ադրբեջանական բանակի ներկայացուցիչների ակտիվ մասնակցությունը ՆԱՏՕ-ի տարբեր ծրագրերին։

Ընդգծելով Հայրենական պատերազմում Զինված ուժերի Գերագույն գլխավոր հրամանատարի գլխավորությամբ ձեռք բերված հաղթանակի կարևորությունը՝ Գլխավոր շտաբի պետը պատմել է հետպատերազմյան շրջանում ազատագրված տարածքներում կատարված աշխատանքների մասին։

Հանդիպմանը քննարկվել են Ադրբեջանի և ՆԱՏՕ-ի միջև համագործակցության զարգացման հեռանկարները։