Ադրբեջանի ԿԸՀ ղեկավարը հանդիպել է ԱՊՀ պատվիրակության հետ

Օգոստոսի 13-ին Ադրբեջանի Կենտրոնական ընտրական հանձնաժողովի (ԿԸՀ) նախագահ Մազահիր Փանահովը հանդիպել է՝ ԱՊՀ գլխավոր քարտուղարի տեղակալ Նուրլան Սեյթիմովի գլխավորած պատվիրակության հետ, որը Ադրբեջան է ժամանել՝ առաջիկա արտահերթ խորհրդարանական ընտրություններին հետևելու համար։

Այս մասին Caliber.Az-ին հայտնել են ԿԸՀ-ից։

Հանդիպման ընթացքում Մ.Փանահովն ընդգծել է, որ նրա ղեկավարած բարձրագույն ընտրական մարմինը բաց է միջազգային կազմակերպությունների հետ համագործակցության համար։

Ն.Սեյթիմովն ասել է, որ ԱՊՀ-ից երկարաժամկետ դիտորդներն արդեն սկսել են իրենց գործունեությունը և ուշադիր հետևում են՝ Բաքվում և շրջաններում ընտրություններին նախապատրաստվելու գործընթացին: Նա նաև վստահություն է հայտնել, որ Միլլի Մեջլիսի ընտրությունները կանցկացվեն ազատ, արդար և թափանցիկ՝ օրենսդրության պահանջներին համապատասխան։

Կողմերը քննարկել են նաև փոխադարձ հետաքրքրություն ներկայացնող այլ հարցեր։