Ադրբեջանում կանցկացվի ԹՊԿ-ի կրոնական առաջնորդների հանդիպումը

Օգոստոսի 11-ին Կովկասի մահմեդականների վարչության (ԿՄՎ) նախագահ շեյխուլիսլամ Ալլահշուքյուր Փաշազադեն ընդունել է՝ Թուրքական պետությունների կազմակերպության (ԹՊԿ) գլխավոր քարտուղար Բաղդադ Ամրեևին։

Այս մասին Caliber.Az-ին հայտնում են ԿՄՎ-ի մամուլի ծառայությունից։

Ա.Փաշազադեն երախտագիտություն է հայտնել 44-օրյա Հայրենական պատերազմի ընթացքում Բ.Ամրեևի գլխավորած ԹՊԿ-ի կողմից Ադրբեջանին ցուցաբերած եղբայրական աջակցության համար, ինչպես նաև շնորհակալություն է հայտնել թյւրքական պետություններին՝ Լոնդոնում Ադրբեջանի դեսպանատան վրա վերջերս տեղի ունեցած վանդալային հարձակման կտրուկ դատապարտման համար։

ԹՊԿ-ի գլխավոր քարտուղար Բ.Ամրեևը նշել է, որ պատիվ է համարում հանդիպել Ադրբեջանի և Կովկասի հոգևոր առաջնորդի հետ և ընդգծել, որ բարձր է գնահատում Ա.Փաշազադեի անհատականությունն ու գործունեությունը։ Բ.Ամրեևը հատկապես նշել է, որ այս գաղափարի իրականացման գործում մեծ ներդրում է ունեցել շեյխուլիսլամ Ա.Փաշազադեն, ով հանդիսանում է ԹՊԿ-ի անդամ երկրների մահմեդական կրոնական առաջնորդների խորհրդի ստեղծման նախաձեռնության հեղինակը։ Հյուրը պատմել է ԹՊԿ-ի անդամ երկրների նոյեմբերին Ուզբեկստանում կայանալիք գագաթնաժողովի մասին և տեղեկացրել, թե ինչ աշխատանքներ են նախատեսվում իրականացնել այս հանդիպման ընթացքում։ Բ.Ամրեևը կարևորել է ՓՊԿ-ի անդամ երկրների մահմեդական կրոնական առաջնորդների հանդիպումը, որը կկայանա հոկտեմբերին Ադրբեջանում և վստահություն հայտնել, որ այդ հանդիպումը կանցկացվի բարձր մակարդակով։