Ադրբեջանում պաշտոնյան է ձերբակալվել՝ զինծառայությունից խուսափելուն օժանդակելու համար

Ադրբեջանում պաշտոնյայի են ձերբակալել՝ կաշառքի դիմաց զինվորական ծառայությունից խուսափելուն օժանդակելու կասկածանքով։

Ինչպես հայտնում է Caliber.Az-ը, այս մասին ասված է Գլխավոր դատախազության և Զորահավաքի և զորակոչի պետական ծառայության համատեղ հայտարարության մեջ։

Ձերբակալված անձը Հումբաթ Նաբիևն է՝ Զորահավաքի և զորակոչի պետականծառայության Նիզամիի շրջանային բաժնի ավագ սպա։ Գլխավոր դատախազությանն առընթեր կոռուպցիայի դեմ պայքարի գլխավոր վարչությունը քրեական գործ է հարուցել Նաբիևի նկատմամբ՝ ծառայողական պարտականությունները կատարելիս կաշառք ստանալու մեղադրանքով։

Հետաքննության ընթացքում պարզվել է, որ Նաբիևը կաշառքի դիմաց օգնել է քաղաքացուն ստանալ պարտադիր զինվորական ծառայության զորակոչից տարկետում։ Այնուհետ նա քաղաքացուց խոշոր չափի կաշառք է պահանջել՝ խաղաղ ժամանակ զինվորական ծառայության համար ոչ պիտանի, պատերազմի ժամանակ՝ սահմանափակ պիտանի զինվորական գրքույկ տալու դիմաց։

Հավաքագրված տվյալների հիման վրա Հումբաթ Նաբիևը որպես կասկածյալ կալանավորվել է, ապա դատարանի որոշմամբ կալանավորվել։ Նրան մեղադրանք է առաջադրվել ԱՀ քրեական օրենսգրքի 311.3.3 հոդվածով։