Ադրբեջանում տնտեսական զարգացման նոր ռազմավարություն է պատրաստվել

44-օրյա պատերազմից հետո մենք Ադրբեջանի տնտեսության հեռանկարների համապարփակ վերլուծություն ենք անցկացրել։

Այս մասին՝ Շուշայում Աշխարհի ադրբեջանցիների V համագումարում իր ելույթում հայտարարել է՝ տնտեսության փոխնախարար Էլնուր Ալիևը, գրում է Caliber.Az-ը։

Նա նշել է, որ Ադրբեջանում որոշվել են հետպատերազմյան շրջանի տնտեսական առաջնահերթությունները։ Նրա խոսքով, 2022-2026 թվականների ռազմավարությունն արդեն մշակված է և մնում է հաստատել։

Փոխնախարարը նշել է, որ աշխատանքներ են տարվում օկուպացիայից ազատագրված տարածքներ ներդրումներ ներգրավելու ուղղությամբ։