Ադրբեջանցի զինվորականները Ղազախստանում անցկացվող զորավարժություններում ԼՈՒՍԱՆԿԱՐ

Մանգիստաուի մարզում զորավարժություններ են ընթանում Ղազախստանի, Ադրբեջանի, Ղրղզստանի, Տաջիկստանի և Ուզբեկստանի Զինված ուժերի մասնակցությամբ։

Ինչպես հայտնում է Caliber.Az-ը՝ վկայակոչելով ղազախական լրատվամիջոցներին, Ղազախստանի Հանրապետության պաշտպանության նախարարության հաղորդագրության համաձայն՝ Birlestik-2024 միջազգային զորավարժությունները կշարունակվեն հուլիսի 8-ից 17-ը։ Վարժանքները տեղի են ունենում «Օյմաշա» զորավարժարանում և Թոկմաք հրվանդանի մոտ գտնվող ծովային տարածքում։ Հինգ երկրների զինվորականները համատեղ գործողություն կիրականացնեն «զինված հակամարտությունը տեղայնացնելու համար»։

Զորավարժություններին կմասնակցեն մոտ չորս հազար զինվոր, ինչպես նաև մինչև 700 միավոր զինտեխնիկա։