ԱՀ ԱԳՆ՝ Եվրոպայի խորհրդի Խոշտանգումների կանխարգելման կոմիտեի հայտարարության վերաբերյալ

Ադրբեջանի վերաբերյալ հայտարարություն հրապարակելու Եվրոպայի խորհրդի Խոշտանգումների կանխարգելման կոմիտեի որոշումը մեզ մոտ խորը ափսոսանք առաջացրեց։

Ինչպես հաղորդում է Caliber.Az-ը, այս մասին հայտարարել է Ադրբեջանի ԱԳՆ մամուլի ծառայության ղեկավար Այխան Հաջիզադեն։

Նրա խոսքով՝ կոմիտեն, ի հեճուկս Խոշտանգումների և անմարդկային կամ արժանապատվությունը նվաստացնող վերաբերմունքի կամ պատժի կանխարգելման մասին եվրոպական կոնվենցիայի պահանջի, աննախադեպ որոշում է կայացրել ամբողջությամբ հրապարակել 2022 թվականին Ադրբեջան կատարած այցի արդյունքների մասին զեկույցը՝ առանց մեր երկրի համաձայնությունը ստանալու։ «Բացի այն, որ այս մոտեցումն անարդար է և անհիմն, այն հարցեր է առաջացնում իրավական տեսանկյունից»,- ընդգծել է Այխան Հաջիզադեն։