ԱՄՆ դեսպան. Մենք հավատում ենք, որ Ադրբեջանը ավելի շատ գազ կմատակարարի ԵՄ երկրներին

Մենք կարծում ենք, որ ադրբեջանական գազն ավելի մեծ քանակությամբ կմատակարարվի ԵՄ երկրներ։ Դա կօգնի նվազեցնել ռուսական գազից կախվածությունը։

Այս մասին, ըստ Caliber.az-ի, ճեպազրույցում հայտարարել է՝ Ադրբեջանում ԱՄՆ դեսպան Էրլ Լիտցենբերգերը։

«Մենք Ադրբեջանի հետ քննարկում ենք, թե ինչպես ավելացնել գազի մատակարարումները, կամ ավելի լավ է՝ կրկնապատկել դրանք»,- ասել է Լիտցենբերգերը։

Դեսպանի խոսքով, արժե ուշադրություն դարձնել նաև էներգիայի «կանաչ» աղբյուրներին, այդ թվում՝ արևային և ջրածնային։

«Այս պարագայում Ադրբեջանի դերը շատ կարևոր է»,- հավելել է դիվանագետը։