Արեստովիչ. Ղարաբաղում ադրբեջանական բանակը հաջողությամբ կիրառեց իսրայելական զենքը

Ուկրաինայի նախագահի աշխատակազմի ղեկավարի օգնական Ալեքսեյ Արեստովիչը հնարավոր է համարել է, որ Ռուսաստանի ագրեսիվ հարձակումների կապակցությամբ Իսրայելը կարող է սկսել օգնել Ուկրաինային։ Նրա կարծիքով՝ Իսրայելն ունի շատ զինատեսակներ, որոնք ՆԱՏՕ-ն չի կարող փոխանցել Ուկրաինային։

Caliber.Az-ի փոխանցմամբ՝ նա նման կարծիք է հայտնել Feigin.Live ծրագրի եթերում։

«Այս ամենը մենք տեսանք ղարաբաղյան պատերազմում, դա կիրառվեց ադրբեջանական բանակի կողմից։ Օրինակ, կամիկաձե անօդաչու թռչող սարքերը, ինչպիսիք են Harop-ը կամ Harpy-ն: Կա, օրինակ, Spike - այնպիսի հեռահար ՀՏՀՀ, որը թույլ է տալիս օպերատորին փոխել հետագիծը թռիչքի ընթացքում, վերահղում - այն թռել է մի տանկի վրա, թռել է մյուս վրա: Նման նկարներ շատ տեսանք Ղարաբաղից։ Եվ շատ ու շատ այլ բաներ՝ անօդաչու թռչող սարքեր, հակատանկային զենքեր և այլն»,- ասել է Արեստովիչը։

Արեստովիչը նշել է, որ «Իսրայելը Լավրովի խոսքերին պատասխանելու բան ունի, եթե նա ցանկանա»։