Արևմտյան կազմակերպությունը առաջին անգամ սոցհարցում է անցկացրել Ղարաբաղում

Մենք հարցում ենք անցկացրել Ադրբեջանի 3000 ընտրողների շրջանում։ Բացի այդ, մենք՝ որպես արևմտյան կազմակերպություն, ընտրությունների հետ կապված առաջին անգամ սոցիոլոգիական հարցում ենք անցկացրել Ղարաբաղում։

AZERTAC-ի փոխանցմամբ՝ այս մասին փետրվարի 2-ին Շուշայում կայացած մամուլի ասուլիսում հայտարարել է՝ Oracle խորհրդատվական խմբի ներկայացուցիչ Վլադա Գալանը։

Նա նշել է, որ ընդհանուր առմամբ հարցմանը մասնակցել է 3000 հարցվող Ադրբեջանի տարբեր տարածաշրջաններից։ Դրանցից 24,1 տոկոսը Բաքվից է, 8,3 տոկոսը՝ այլ խոշոր քաղաքներից, 21,3 տոկոսը՝ փոքր քաղաքներից ու ավաններից, մնացածը՝ 46,3 տոկոսը՝ գյուղերից։ Հարցմանը մասնակցածների 49,3 տոկոսը (1479 մարդ) կանայք են, 50,7 տոկոսը (1521 մարդ) տղամարդիկ։

Հարցումն անցկացվել է՝ հաշվի առնելով երկրի բնակչության տարիքային վիճակագրությունը՝ հարցվածների 36,2 տոկոսը եղել են 18-34 տարեկան, 39,0 տոկոսը՝ 30-ից 54 տարեկան, 24,8 տոկոսը՝ 55 տարեկան և բարձր տարիքի: