Գերմանիայում Ադրբեջանի դեսպանը քննադատել է գերմանական ԶԼՄ-ների լոբբինգը

Գերմանիայում Ադրբեջանի դեսպան Նասիմի Աղաևը քննադատել է գերմանական Tagesspiegel թերթը՝ Ադրբեջանի դեմ հոդված հրապարակելու համար, որի հեղինակը ՆԱՏՕ-ի նախկին գլխավոր քարտուղար Անդերս Ֆոգ Ռասմուսենն է։

Ինչպես հայտնում է Сaliber.Az-ը, այս մասին դիվանագետը գրել է X սոցիալական ցանցում։

«Ինչո՞ւ է Tagesspiegel-ը հրապարակել՝ հայ լոբբիստ Անդերս Ֆոգ Ռասմուսենի կողմից գրված քննադատական հոդվածը Ադրբեջանի դեմ: Նա Հայաստանի կառավարությունից տարեկան ստանում է մինչեւ 499 հազար եվրո։ Սակայն Tagesspiegel-ը նրան ներկայացնում է պարզապես որպես ՆԱՏՕ-ի նախկին գլխավոր քարտուղար... Մենք դա դիտարկում ենք որպես գերմանական հասարակությանը մոլորեցնելու և Ադրբեջանին վարկաբեկելու բացահայտ փորձ»,- նշում է նա։