Գործերի ժամանակավոր հավատարմատար. ԵՄ-ի և Ադրբեջանի միջև համագործակցությունն ամրապնդվել է

Եվրամիության (ԵՄ) և Ադրբեջանի միջև համագործակցությունը ամրապնդվել է, այդ թվում՝ էներգետիկայի ոլորտում։

Ինչպես հաղորդում է Caliber.Az-ը, այս մասին հայտարարել է Ադրբեջանում ԵՄ գործերի ժամանակավոր հավատարմատար Փիթեր Ֆիզինգերը՝ Ադրբեջանում Արևելյան գործընկերության Առևտրի օգնության գրասենյակի բացմանը նվիրված միջոցառմանը։

Նրա խոսքով, հատկապես պետք է նշել՝ էներգետիկայի ոլորտում ԵՄ-ի և Ադրբեջանի միջև ստորագրված փոխըմբռնման հուշագիրը։

«ԵՄ-ն Ադրբեջանի առաջատար առևտրային գործընկերն է։ Ադրբեջանի ընդհանուր ապրանքաշրջանառության 45%-ը բաժին է ընկնում ԵՄ երկրներին։ Բացի նավթից ու գազից, Ադրբեջանը պնդուկի հիմնական արտահանողն է ԵՄ երկրներ»,- ասել է գործերի ժամանակավոր հավատարմատարը։